vildi bara koma því á framfæri að ég dreg andann ennþá....

bloggið er dáið hinsvegar

Arnar

Sælt veri fólkið

Það er nokk erfitt að koma á eftir svona bloggi eins og hjá Bobby en ég skal reyna.

Loksins er maður kominn í smá rólegheit, ég er búinn að vera vinna bara eins og skepna og síðan rétt nær maður að keyra bílínn á æfingu og eftir það er ekki mikið eftir í manni.

En ég held að þetta sé gott, síðan er á döfinni danmörk og síðan útskriftarferð og maður er alveg hættur að nenna fara í þá síðarnefndu, en það kemur hreinlega í ljós

Sæl að sinni

lang síðan að ég bloggaði og ætla því að henda inn nokkrum punktum...

...

...

...

...

...

...

kv. Trausti Þór a.k.a Bobbí T

jæja, það var tekið smá ferðalag í borgina um helgina. Ég og Babar ákváðum að ég skyldi bara keyra vegna ökulags míns og hæfileika sem ég hef framyfir Babar. Ákveðið var að ég tæki mér frí eftir hádegi í vinnunni til að við gætum náð úrslitaleiknum á HM kl 19.00 á föstudag.  Það var ljúft og ég tók keyrsluna á þetta að vanda hægt og þægilega bara. Við nenntum síðan ekki að stoppa í staðarskála til að vera fljótari á leiðinni, bara vesen að vera stoppa og fá sér að éta og vera svona 20 mín til hálftíma að því... meðvitað

keyrðum framhjá, sennilega 20 mínútum í burtu þá sé ég bíl í fjarska og hægi smá á mér... byrjar hann að blikka bláum ljósum og ég hægi á mér... Babar lítur fjallbrattur uppúr FM og segir mér að hann sé ábyggilega ekkert að meina mig og ég eigi bara að keyra áfram. Niðurstaðan var að einhver félagi frá Hólmavík var að vinna fyrir laununum  sínum  og ég hafði víst verið á 121. Síðan skiptum við Babar um nafn, því um leið og ég sest inní bílinn, búinn hjá löggunni, þá kemur Steini hughreystandi og segir mér að hann hafi unnið 6-0 í FM... núna var ég babar

Föstudagskvöldið fór síðan bara í bíó á Click (ég veit það ekki) en þó komu nokkur forlát atriði sem fólu í sér fallega gula önd.

Laugardagurinn fór í kringluna og hlátur á minn kostnað. Ég, einn besti golfari í herberginu mínu var aðhlátursefni sérfræðinganna á Básum (í grafarholti) það var meirasegja félagi af Stuðlum með stuðningsaðilanum sínum sem var með betri sveiflu en ég. Golfferillinn stutti er dauður.... ég þarf nokk ljóslega að fara í kennslu þar á bæ

Keilan um kvöldið var góð, en fæst orð um hana halda fyrrverandi Babar (steina) rólegum en við skulum sættast á að hann tapaði alveg gjörsamlega og við vorum meirasegja beðin um að skipta um braut meðan gert var við fyrri brautina, eða réttara sagt pússaðar upp allar dældirnar á gólfinu eftir steina. En hey, eins og sagt er, leiðinlegt að þinn dagur sé síðan á morgun og þá ertu ekki í keilu.

Sunnudagurinn, keyrt heim, rólega... því ég var hræddur við allt sem hreyfðist á veginum, skynsamleg hræðsla því rétt hjá staðarskála var vinur minn frá því á föstudag ennþá að vinna fyrir kaupinu sínu. Og já síðan var úrslitaleikurinn á sunnudag, þannig að við rétt náðum seinni hálfleik og úrslitum úr honum,

ég vil enda þetta á tvennu

góður Zidane að enda landsliðsferilinn svona

og passið ykkur á kindum á holtavörðuheiðinni

arnar út...

kvittiði gott fólk þó svo að þetta sé alltof langt og í raun mætti klippa þetta í þrennt og birta bara einn þriðja í einu.

jájá

ætli það sé ekki kominn tími á nýja færslu því það eru að öllum líkindum eitthvað um mánuður síðan ég bloggaði síðast. Gaman væri að gá að því og sjá hvort giskið mitt á mánuðinn sé rétt ? og þó

Helst er frá því að segja að ég gerði stóra hluti í prófunum og frumlas stóran hluta af bókunum mínum fyrir próf og það furðulega var að maður var að fá svona 7 og 8 í flestu.. hvernig er þetta rökstutt ? að maður sofi bara allan, eða meiripart af vetri og fái bara þokkalega einkunn... þetta skil ég ekki en þó þakka ég innilega fyrir þetta. Þetta leiðir það af sér að minns fær að fara í fjórða bekk á næsta ári, sniðugt það

En síðan er líka markvert að segja frá því að úff hvað maður er glaður að vera byrjaður að vinna, kannski er ég eini vitleysingurinn sem var hress og glaður klukkan 7 að fara minn fyrsta dag í vinnuna og leið vel og gat vaknað á réttum tíma sem hefur sennilega ekki skeð bara síðan síðasta sumar.

Síðan heyrði ég áhugaverða umræðu á rás 1 (fm 91.6) í dag eða raunar bara bláendann því ég heyrði ekki byrjunina (sem er rökrétt held ég). Þar var verið að tala um þróunarbreytinguna milli til dæmis snáka, hvala  og einhverra fleiri dýra og nú er genið fundið sem stjórnaði þessu og þá er næsta skref að nýta sér það til að rækta upp endurvöxt í mönnum (sár gróa, og líkamshlutar vaxa á nýtt) en eins og með margt í vísindum þá er þetta fjarlæg framtíð og þetta gladdi mig mjög að heyra.

Ég held að líklega enginn hafi áhuga á þessum þætti en þó er hann aftur næsta miðvikudag á rás 1 (fm 91.6) eitthvað um 1-2 leitið.

Einnig svona í lokin þá er http://www.fotboltaskolipeturs.ismeð betri heimasíðum í dag og þar birtist nýtt heilræði á hverjum degi og fullt af kennslumyndböndum um hvernig maður á að spila fótbolta (menn eins og Steini (www.steini13.bloggar.is) og Elmar (www.lime.org) ættu að taka Pétur til fyrirmyndar og stúdera síðuna)

arnar út..

Jaa góðann og blessaðan daginn, frekar langt síðan að ég yddaði blýantinn og henti inn nokkrum orðum, jafnvel setningum. Þannig að nú er ég búinn að bretta upp ermarnar og ætla að henda einhverju hér inn. Málið er hins vegar að ég hef lítið að segja þessa stundina. Er byrjaður að vinna á póstinum sem er mjög þægileg vinna, var búinn kl. 11 í morgun, einnig eru prófin búin og gekk það allt saman mjög vel þannig að ég óska öllum til hamingju með próflokin.

Nú er HM í fótbolta byrjað og ég ræð mér vart af kæti yfir því, aðsjálfsögðu styð ég Englendingana eins og ávaltt þó að Ítalía og Spánn fylgi þar fast á eftir, aðsjálfsögðu hef ég samt sem áður gaman af því að horfa á öll liðin. Þó að menn séu að missa sig yfir HM megum við ekki gleyma handboltanum en um næstu helgi er gríðarlega mikilvægur leikur hjá íslenska landsliðinu í handbolta gegn Svíum og þá ræðst hvort Ísland verður með á HM í handbolta eða ekki og hvet ég því alla til að renna suður og styðja þá.

Pælingar:

Afhverju svarar fólk alltaf spurningunni ,,hvað segiru gott?” á sama hátt, þ.e.a.s ,,ég segi bara allt fínt” eða ,,ég segi bara allt ágætt” en fólkinu líður kannski samt sem áður alveg ömurlega, setur bara upp svona þaðeralltílagimeðmig grímu.

Einnig held ég að flestir sem spyrja þessarar spurningu ,,hvað segiru gott?” séu ekkert yfir sig forvitnir yfir því hvernig manni líði heldur er þetta meira svona kurteisishjal og oft inngangur að frekar samræðum, t.d þegar einhverjum vantar greiða og hringir í þann sem getur reddað greiðanum.

S: ,,Sæll Gunnar”

G: ,,Blessaður Sigurður”

S: ,,hvað segiru gott?”

G: ,,ég segi bara allt fínt sko”

S: ,,já heyrðu, mig vantar eigilega...

Þið skiljið hvað ég er að fara.

Já stundum koma yfir mann svona pælingar eins og til dæmis um daginn þegar ég var að rölta á förnum vegi og mætti Kalla prent, þá hugsaði ég: hvað er Kalli prent að hugsa núna, er hann haldinn þungum hugsunum eða er hann bara að hugsa um einhverja vitleysu, er Kalli prent svo kannski eftir allt Sókrates okkar tíma...tja, maður spyr sig

En kominn tími á að enda þetta..

Kvikmynd bloggsins er V for Vendetta - http://www.imdb.com/title/tt0434409/

Tími á smá blogg

Þvílík aðsókn eftir að maður setti myndina upp, maður þarf að fara finna fleiri slúðursögur og myndir og birta... hugmynd...

Nú er maður í letikasti eftir stífan lærdóm fyrir eðlisfræðina sem var í morgun, þetta var prófið sem var í vafa þar sem ég er búinn að í raun sitja og gera ekkert allan vetur í þessum tímum. En prófið var í léttari kantinum sökum þess að Brilló vill ekki fá 79% fall í áfanganum

Núna er maður bara  að fara læra fyrir næsta próf og svo koll af kolli þangað til þetta er búið og maður getur fagnað því (einungis hóflega) og farið síðan að vinna sem verður mikill léttir.

En engu að síður þá hef ég ekkert mikið að segja nema ég vil minna fólk á lagið     The Beatles - Blackbird og einnig Oasis - The importance of being idle

þessi lög er hægt að hlusta á, á: www.radioblogclub.com

Arnar út.. (kvittiði svo börnin góð)

Myndin tekin niður að óskum þeirra sem á henni voru.

Sælt veri fólkið

Tími kominn á að ég hendi inn smá færslu hérna.

Hversu geðveikt er að Silvía Nótt gat bara ekki neitt í evróvisíon, púað á hana, söng illa, og labbaði burt grenjandi og öskrandi eins og lítið barn. Það er góð hugmynd amk. En svona til að maður komi nú að því þá var furðulegt hvað mestu þjóðfélagsendar komust áfram með léleg lög en ekki við, enda kannski ekki furðulegt með stelpuna þarna rífandi kjaft alla daga.

Finnar eru síðan bara menn dagsins, eina lagið sem var eitthvað varið í (eða raunar var litháen með gott lag líka) og þeir unnu þetta og tóku 2 bikara og blómvönd fyrir.

En síðan er ég líklega eini maðurinn sem er ekki í sjallanum núna, ég eyddi kvöldinu í mat hjá ella og júróvisíon og síðan heim að læra eðlisfræði (takk)

Síðan eyddi ég góðum tveimur klukkutímum á föstudag í að standa og selja álfa á glerártorgi og komst að því að ég get fengið gamlar konur til að versla hvað sem er.

En annars hef ég ekkert merkilegt að segja að vanda.

Kannski ég komi bara með eina glansandi heimasíðu svona bara af handahófi.

Heyrðu, það var ekki ónýt síðan sem ég stumbla-ði fyrst inná... ábyggilega geðveikur leikur enda geðveik mynd sem hann er byggður á. Ef fólk getur skilið hvernig maður gerir eitthvað annað en ekkert í honum má það endilega láta mig vita

http://www.bbc.co.uk/radio4/hitchhikers/game_andrew.shtml

Og síðan verður bara að fylgja mynd af flottasta vélmenni sem ég hef séð í kvikmynd

kvittiði síðan

Arnar

Jæja, ansi langt síðan að maður bloggaði, margt hefur á daga mína drifið en ég nenni nú ekki að segja ykkur frá því öllu. Það sem stendur upp úr þessa helgi er afmælið mitt, kjallinn orðinn 19 ára gamall og klukkan tifar í 20 árin. Margt um góðar gjafir og kveðjur og vil ég þakka kærlega fyrir mig. Svo tókur Liverpool sig til og unnu FA Cup á afmælisdaginn minn, þvílíkur heiður. Alltof spennandi leikur, hélt að við værum að missa þetta en svo skoraði besti miðjumaður ensku deildarinnar Steven Gerrrard gullfallegt mark og jafnaði í 3-3, því tók framlenging við, þar var ekkert um mörk en mikið um krampa meðal leikmanna. Þetta endaði svo í vítakeppni þar sem Reina fór á kostum og varði þrjú stykki og það var staðreynd, Liverpool hampaði FA bikarnum í sjöunda sinn.

Svo var bara farið á djammið, jaa djamm, veit ekki hvort ég kalli það djamm þar sem ég var edrú, en ég fór allavega og skemmti mér í góðra manna hópi. Svo er maður að heyra að það hafi allt verið að sjóða upp úr út um allan bæ, slagsmál, Elvis hundurinn að missa það, litlar fullar stelpur í kjarnaskógi og margt margt fleira en við nennum ekki að velta okkur upp úr því. Ég get nú ekki sagt að það hafi verið troðið í Sjallanum en um 2 leytið taldi ég mér til gamans 15 manns á dansgólfinu, ekki voru það fleiri en það þannig að leiðin lá á Kaffi Ak og þar var troðið og rúmlega það.

Annars sit ég hér upp í sófa og er að horfa á sjónvarpið, er að bíða óþreyjufullur eftir næsta og jafnframt síðasta Prison Break þættinum en hann verður örugglega ruuusalegur. Talandi um sjónvarpsþætti þá rakst ég á síðu sem varðar Jack Bauer, söguhetjuna í "24" þáttunum og þarna eru nokkrir góðir brandarar þar sem ýtt er undir harðan hetjuskap Bauers sem er stundum yfirþyrmandi að mínu mati en hérna koma nokkrir góðir:

When Kim Bauer lost her virginity, Jack Bauer found it and put it back

Jack Bauer played Russian Roulette with a fully loaded gun and won

Jack Bauer was never addicted to heroin. Heroin was addicted to Jack

On a high school math test, Jack Bauer put down "Violence" as every one of the answers. He got an A+ on the test because Jack Bauer solves all his problems with Violence

Jack Bauer arm once wrestled Superman. The stipulations were the loser had to wear his underwear on the outside of his pants

fyrir áhugasama þá er fleiri brandara að finna hér: http://www.notrly.com/jackbauer/index.php?topthirty

Nú styttist óðfluga í Júróvisíon og því ætla ég að hafa smá getraun. Hvar heldur þú að Silvía Nótt endi í forkeppninni og ef hún kemst áfram hvar endar hún þá í alvörukeppninni? Stór vinningur fyir að hafa fyrra eða seinna rétt og ef bæði eru rétt þá stækkar vinningurinn.

En þetta er komið gott af bloggi í bili, hafið það gott í vikunni sem gengin er í garð. Kvikmynd færslunnar er svo Pirates of the Carrabien.

Trausti Þór

Sælir

Heyrðu samkvæmt mínum útreikningum þá eru liðnir svona 6 dagar frá síðustu færslu og það er ekki nema merki um að það þurfi að fara koma ný. Ég á samkvæmt reglubókinni að taka þessa færslu svo ég verð bara gera það.

Uhh.. til að maður nefni nú aðeins skólann þá átti ég að vera líklega núna að leggja 6 blaðsíðna ritgerð um íþróttavöllinn á kennaraborðið í M2 (vistfræði), en sökum einhvers þá er hún ekki alveg búin og í raun ekki byrjuð.

Síðan ber að nefna mestu vonbrigði sem ég hef upplifað á seinni árum. Við unnum Ír-ingana sem ég minntist á í síðustu færslu í 8 liða úrslitum, síðan var flogið suður á föstudag til að spila við HK í 4 liða úrslitum (sem átti að vera leikur sem við mundum vinna) en aldeilis ekki því það gekk hreinlega ekkert upp og við töpuðum honum. En hey, þá er alltaf hægt að horfa á björtu hliðina og ætla bara vinna bronsið (3 sæti) en nei tókum við ekki uppá því að spila hræðilega þá líka og tapa fyrir hnökkunum í selfoss (sem mig vantar að heyra í) og árangur helgarinnar var sá lélegasti sem hægt var að ýminda sér, 4 sæti. Það var nú búið að ákveða fögnuð í tilefni þess að við ætluðum að vinna þetta allt, og skella okkur bara á Pál, en ég vil meina að við höfum frekar verið að drekkja sorgunum það kvöldið.

Ætli þetta sé ekki nóg af tuði um ómerkilega hluti. Jú einn hlutur í viðbót, Jeff Who? er alveg gjörsamlega að spilast í tölvunni minni við miklar undirtektir þessa daga.  (sem fyrir þá sem þekkja mig nógu vel, þýðir að ég hlusta á sömu lögin aftur og aftur og aftur) Steini verslaði sér þennan disk og fékk að heyra það fyrir að vera kaupa lélegan disk, en þetta er bara með betri diskum sem maður hefur heyrt í fleiri ár.

En síðan held ég að ég komi bara með mynd og smá heimasíðu jafnvel hér í lokin.

Eða kannski maður taki þetta í aðra verðlaunaspurningu í ljósi þessa gífurlega áhuga fólks á henni (eða raun svarinu hennar Sirrý og meðfylgjandi verðlaunum (sem voru engin))

Ég get sagt að myndin er úr þáttum sem hétu "The Adventures of Teddy Ruxpin" sem er einmitt útlenska nafnið á einum sem er á myndinni.

Svo hér spyr ég, hverjir eru þessi kumpánar á myndinni, ég get sagt að þeir voru uppá pallborðinu í feikivinsælu sjónvarpsefni um það leiti sem ég var í maga móður minnar. Og að auki hvað hét Bleiki loðni vinur þeirra sem var sterki maðurinn í hópnum ?  Ég reikna með rosalegum verðlaunum í þetta skipti og hvet alla til að prófa sig á gátunni góðu.

En ætli þetta sé ekki bara feikigott og ég mæli með Jeff Who ? fyrir alla þá sem vilja hlusta á góða tónlist

Og já síðan vil ég benda á að útúr könnunni margumdeildu kom að konur eiga klárlega að fá bílpróf og við sættum okkur við þá niðurstöðu.

Og einnig vil ég benda á að ný könnun er komin inn. Um eitthvað minna umdeilt

Eiga konur að fá bílpróf???
Já klárlega
36%
Já sumar
3%
Nei alls ekki
6%
ekki að ræða það
33%
Djöfulsins karlrembur eru þið
22%

Síðan virðist mér að msnin okkar félaga sé komin hér í einhvern link þarna uppi sem er ekkert nema gott mál, en mig grunar að allt fólk sem skoðar þetta þekki okkur, en hver veit.

Takk og kvittiði síðan

Arnar

Jæja, ætli ég verði ekki að henda inn línu hérna svo ég skilji ekki Arnar eftir í skítnum.

Ég er búinn að vera að skrifa 25 bls ritgerð alla helgina og er ég nokkuð viss um að þetta sé versta helgi lífs míns sem nú leið. En það er á enda og er ég því mjög glaður þessa stundina. Ég held að ég hafi aldrei lært svona mikið og afsannaði ég íslenska máltakið ,,það sem þú veist ekki, skaðar þig ekki" margoft um helgina.

uuu...Ég var í fjölmiðlafræði í dag og Birgir Guðmundsson, pabbi Gunna Bígí kom í heimsókn en hann er fjölmiðlafræðitæknimeistari eða eitthvað svoleiðis en hann kom og ræddi um um blaðamenn og leist mér bara nokkuð vel á það. Ég gæti allavega staðið mig betur en ógeðin á DV, ekki það að ég sé að upphefja sjálfan mig heldur er DV bara svo slakt. Alveg versta blað í heimi.

Ég var að koma úr fótbolta og er alveg búinn á því í fótunum. Sit hérna fyrir framan sjónvarpið og er að horfa á strákana, ég veit ekki hvað fólk er að tuða um að þeir séu búnir á því, ég allavega hlæ ennþá að þeim og finnst mér Gunni og Atli sem bættust í hópinn algjörir snillingar. Hins vegar langar bróður mínum að horfa á ó sí(O.C.). Það eru svosem ágætis þættir, fyndið samt hvað það sést aldrei ljótur einstaklingur í þeim. En ég er á þeirri skoðun að O.C. og One tree hill og hvað þeir heita nú allir séu bara eftirlíkingar af hinum fullkomnu unglingaþáttum sem hétu Fjör á Fjölbraut  en ég horfði alltaf á þá þegar ég var lítill, alveg geggjaðir þættir í þá daga, er ég sá eini sem man eftir þeim??

En´ætli ég endi þetta ekki á fréttum og einhverju dralli sem maður hefur verið að skoða á netinu.

http://mbl.is/mm/folk/frett.html?nid=1199151 – ég veit ekki hvort ég myndi setja það á konuna mína að fara að koma sér í form þegar hún er nýbúin að eignast barn, mér finnst Cruise-in nokkuð ákafur þarna, en maður botnar nú ekkert í þeim manni lengur eftir fréttir síðustu daga. Vildi að konan sín eignaðist barnið í algjöru hljóði, vildi að börnin sín horfðu á fósturmömmu þeirra eignast barnið hans Cruise og svo ætlaði hann að borða naflastregin og fylgjuna af nýfæddu barni sínu, hvað er að þessum manni???

http://www.mbl.is/mm/frettir/frett.html?nid=1199179 – Jææja, ég verð nú bara ágætlega stoltur af sjálfum mér ef ég hleyp 8 km á svona 35 mín en neinei það er bara einhver fjögurra ára drengur í Indlandi sem hleypur 65 km maraþon á um 7 klst.

http://omars.smugmug.com/gallery/1382206/10/66670573 - hahahahaha, ojjjjj

kvikmynd færslunar er svo meistaraverkið Braveheart!!

endilega kvittið svo

Sælir

Nú er tími kominn á smá blogg á þetta bara.

Uhh... ég vil byrja þetta á að segja frá góðri framgöngu minni í þýskuprófi (munnlegu takk) það var hreinlega hlegið að mér fyrir það eitt að rugla saman Hannover og München, sem eru mjög lík nöfn og þær eru nánast rétt hlið við hlið (nei eins langt frá og hægt er sennilega)

Og síðan er maður stiginn uppúr veikindunum sem er alveg í snar seinasta lagi því það er leikur á morgun hjá okkur í 3. flokk. Hann er klukkan 2 uppí K.A heimili og ég hvet fólk til að koma horfa á hann þar sem við munum hefna okkar á liði Breiðhyltinganna ( Í.R )

Síðan í kvöld er stefnan að ég held tekin á Scary Movie 4 kl 10. svo eftir að ég segi þetta hér þá reikna ég með að allir sem eru í bíó þá séu einfaldlega þar útaf mér.

En ég reikna með að þetta sé komið flott af einhverjum sögum af mér. Ég ætla henda hér inn einni fyndinni mynd (sem ég fann með Valda-takkanum, geðveikur takki)

Kermit á góðum degi

Geðveikur mynd þetta

En síðan langar mig að koma með eitt það fyndnara sem ég hef lesið (stelpur lesið þetta líka) Þetta er bara fyndið (Sad but true eins og metallica sagði það)

MEÐ NÝJU DRIVE-IN HRAÐBÖNKUNUM GETUR ÞÚ TEKIÐ ÚT PENINGA ÁN ÞESS AÐ ÞURFA AÐ FARA ÚT ÚR BÍLNUM ÞÍNUM. LESTU LEIÐBEININGARNAR SEM PASSA VIÐ ÞITT KYN  OG LEGÐU Á MINNIÐ SVO ÞÚ MUNIR ÞÆR ÞEGAR ÞÚ ÆTLAR AÐ NOTA NÝJA HRAÐBANKANN.
 
 LEIÐBEININGAR FYRIR KARLMENN:
 1. Aktu að hraðbankanum.
 2. Skrúfaðu niður hliðarrúðuna.
 3. Settu kortið í hraðbankann og sláðu inn leyninúmerið þitt.
 4. Sláðu inn upphæðina sem þú vilt taka út.
 5. Taktu kortið, peningana og kvittunina.
 6. Skrúfaðu upp rúðuna.
 7. Aktu í burtu.
  
 LEIÐBEININGAR FYRIR KONUR:
  1. Aktu að hraðbankanum.
 2. Bakkaðu bílnum svo að hliðarrúðan sé við hraðbankann.
 3. Settu bílinn í gang aftur.
 4. Skrúfaðu niður hliðarrúðuna.
 5. Finndu nú veskið þitt og tæmdu úr því innihaldið í farþegasætið og  finndu kortið þitt.
 6. Finndu nú snyrtidótið þitt og athugaðu hvort að andlitið sé OK í baksýnisspeglinum.
 7. Reyndu að setja kortið þitt í hraðbankann.
 8. Opnaðu bílhurðina svo að þú náir betur.
 9. Settu kortið í hraðbankann.
 10. Snúðu kortinu rétt.
 11. Leitaðu nú að dagatalinu þínu í veskinu hjá þér, og lestu leyninúmerið sem þú skrifaðir innan á kápuna á        dagatalinu.
 12. Sláðu inn leyninúmerið.
 13. Ýttu á "LEIÐRÉTTA" og sláðu inn rétt leyninúmer.
 14. Sláðu inn upphæðina sem þú vilt taka út.
 15. Athugaðu nú aftur hvort andlitið sé OK í baksýnisspeglinum.
 16. Taktu peningana og minnismiðann.
 17. Tæmdu aftur úr veskinu þínu og finndu seðlaveskið þitt, settu  peningana  í það.
 18. Settu minnismiðann í tékkaheftið.
 19. Athugaðu andlitið aftur.
 20. Keyrðu tvo metra áfram.
 21. Bakkaðu aftur að hraðbankanum.
 22. Taktu kortið þitt.
 23. Tæmdu veskið þitt og finndu hulstrið af kortinu og settu kortið þar.
 24. Athugaðu andlitið.
 25. Settu bílinn nú í gang aftur ! Aktu frá hraðbankanum.
 26. Keyrðu nokkra kílómetra.
 27. TAKTU BÍLINN ÚR HANDBREMSU !!!!!!!!!!!!!!!!!!!!!!!!!!!!!!!!!

síðan verður að fylgja mynd sem ég fann og titillinn var "Lausnin á vandanum stóra" (ég lýg því ekki og þetta eru hreint út ekki mín orð (en nánast)

þetta fannst mér afar fyndin lesning. En ég held það sé ekkert fleira sem ég nenni að vera tuða um. Svo ég slútta þessu bara hér með.

En eitt.. er einhver hugmynd að setja inn svona eitthverjar krossaspurningar um sjálfan sig og jafnvel mynd eða tvær (vita fæstir hversu vel ég myndast) en endilega kommentið á það og það gæti komið hérna einhverntímann við tækifæri

Arnar

ég vil fá komment takk, skoða => Skrifa (orsök og afleiðing)

Sæl verið þið.

Ég stefni á að hafa þetta ögn styttra heldur en síðustu færslur sökum þess að fólk virðist ekki nenni að lesa þetta svona langt. Þannig að ég segi smá fréttir og tek eina 2 myndir á þetta í lokin

Ég vil náttúrulega byrja þetta á því að segja að skoðanir Trausta endurspegla ekki skoðanir mínar (Liv hvað ?).  En það er ekkert stórmál. Síðan skilst mér á öllu að við séum að fara taka þátt í utandeildinni margfrægu í sumar ef allt smellur sem þarf að smella. Sem er fjöldi leikmann sem ég held að sé í góðu standi en hitt er að vita hverjir sjá um þetta núna þar sem Ali og Toppmenn og Sport sáu um þetta í fyrra ?? En þetta er ekkert nema gott mál.

En svona að helginni eins og fólk gerir svo oft í svona bloggi. Helgin byrjaði alveg topp með því að ég kíkti á Óskar og fékk þar ofgnótt af þáttum og lögum sem áttu að stytta mér stundir næstu vikuna. En síðan hrundi allt þar sem ég var bara veikur á laugardag þangað til núna svo að ég er búinn að horfa á þetta allt. Og það verður seint of oft ítrekað hvað Andy, feiti vinur okkar í hjólastólnum í Little Britain er fyndin persóna. 

En hér kemur síðan bara ein svona mynd af mér síðan ég var lítill sætur og ljóshærður (þvílíkt sem maður breytist)

og ég sé ekki betur en að ég sé í Turtles bol, toppiði það!

Síðan veit ég ekki af hverju ég geri þetta þar sem fólk nennir ekki að lesa 3 mínútna pistil um ekkert, en ég ætla að henda inn hérna nokkrum spurningum sem ég bið fólk að svara. (Sem ég stal alveg rakbeint af síðunni hennar Írisar frænku.)

Nafn mitt?
Hvar kynntumst við?
Hvað er miðnafnið mitt?
Hvernig þekkiru mig eða hvernig veistu hver ég er?
Reyki ég?
Trúi ég á Guð?
Hvað hugsaðiru fyrst þegar þú sást mig?
Á ég systkyni?
Hvað finnst mér skemmtilegast að gera?
Manstu eftir því fyrsta sem ég sagði við þig?
Hverju er ég bestur í ?
Er ég feiminn ?
Er ég fyndinn?
Hef ég einhveja sérstaka hæfileika?
Gælunafn á kvikindið ?

Er ég ekki augljóslega betri bílstjóri en Steini ?

Höfum við kysst?
Hvað heldurðu að verði um mig framtíðinni?
Elskaru mig?
Langar þér að kyssa mig?

ég tek fram að ég stytti þetta svo það ættu flestir að ráða við þennan fjölda.

gaman væri að sjá einhver svör við þessu

og síðan allir að kvitta takk fyrir!

Arnar

 (sem er ekki frá því að hafa stækkað eftir að sofa samfleytt nánast í 3 daga)